Мемлекеттік академиялық филармонияның камералық хоры Оңтүстік Кореяда өткен халықаралық фестивальге қатысты. Әртістер Чеджу аралында орналасқан зал сахнасында өнер көрсетіп, 9 шығарма орындады. Еліне оралмас бұрын, қазақстандықтар Сеул қаласындағы Абай Құнанбаев ескерткішіне барып, ұлы қазақ ақыны және композиторының 180 жылдығына арналған флешмоб ұйымдастырды. Әртістер «Көзімнің қарасы» әнін шырқады.