Елдер мен халықтардың тарихы қоғамның тек өз «мәдени кодын» сақтап қана қоймай, сонымен бірге оны жан-жақты дамытатынын көрсетеді. Ол әлемдік мәдениеттің озық жетістіктерін бойына сіңіріп, өз мәдениеті мен дүниетанымын басқа ұлттармен және халықтармен бөлісіп, мәдениеттерін өзара байытып, жалпыадамзаттық құндылықтарды дамытуға үлес қосады.
Осыған орай, «Cultural Legacy Fund» Қоғамдық қорының мәдениет пен креативті индустрияны қолдау миссиясы – Қазақстан халқының мәдени мұрасын жан-жақты дамыту арқылы қазіргі заманғы әлемнің сын-тегеуріндеріне жауап бере алатын креативті қоғам қалыптастыру. Бұл миссия ел ішінде және басқа мемлекеттер мен халықтармен өзара толықтыратын мәдени алмасу негізінде мәдениеттің, шығармашылықтың, өнердің және креативті индустрияның әртүрлі салаларын дамытуға арналған бірыңғай экожүйені құру арқылы жүзеге асырылады.
Аталған миссияны практикалық тұрғыда іске асыру үшін Қор келесі негізгі бағыттар бойынша жұмыс жүргізеді:
-
«Мәдени өсу нүктелері» – мәдениет және өнер саласында немесе оған іргелес салаларда жұмыс істейтін мемлекеттік және мемлекеттік емес ұйымдар мен шығармашылық ұжымдарды дамытуға қолдау көрсету. Бұл бағыт қоғамның мәдени сауаттылығын арттыруға, мәдени құндылықтар мен тарихи ескерткіштерді сақтауға және қорғауға, креативті салаларды дамытуға, шығармашылық пен инновацияларды қолдауға бағытталған (театрлар, концерт залдары, филармониялар, мәдени орталықтар, труппалар, ансамбльдер, оркестрлер, мұражайлар, мәдениет үйлері, кітапханалар, спорт клубтары, стадиондар, өнер мектептері, шығармашылық және демалыс орталықтары, университеттер, колледждер, креативті индустрияны дамыту орталықтары және т.б.).
-
«Мәдени оқиғалар күнтізбесі» – Қазақстанның әлемдік мәдениеттің дамуына үлес қосатын және бұл үшін қолайлы жағдай жасайтын ел ретінде имиджін қалыптастыруға бағытталған мәдени, спорттық және өзге де мәдени-бұқаралық жобалар мен іс-шараларды бастамашылық етуге, жоспарлауға, ілгерілетуге және жүзеге асыруға жәрдемдесу. Бұл іс-шаралар Қазақстанның жекелеген аймақтарында ғана емес, бүкіл ел аумағында және шет елдерде де өткізіледі.
-
«Таланттарды қолдау» – талантты қазақстандықтарды іздеу, олардың білім алуына, шығармашылық қабілеттерін дамытуына, сондай-ақ олардың өнері мен жетістіктерін Қазақстанда және әлемде насихаттауға жәрдемдесу.
-
«Креативті индустрия» – Қазақстандағы креативті шығармашылық пен креативті индустрияны дамытуға бағытталған жобалар мен бастамаларды бастамашылық етуге, жоспарлауға және жүзеге асыруға жәрдемдесу.
-
«Меценаттар клубы» – Қор жобаларын іске асыруға мүдделі кәсіпкерлер мен басқа да ресурс иелерімен жұмыс жасау.
