Академияның басты миссияларының бірі — классикалық балет дәстүрлерін бүкіл әлемге тарату.

Біз үшін бұл миссияны жүзеге асыруда жыл сайын Академиядан тамаша түлектердің қанат қаққаны – үлкен мақтаныш. Көптеген түлектеріміз өнер жолында зор жетістіктерге жетіп, бұл туралы біз алдағы уақытта бірлескен жобалар арқылы да қуана хабарлайтын боламыз.

Биыл Ұлттық хореография академиясын «Астана Опера» театрының жетекші әртісі Еркін Рахматуллаев сәтті аяқтап, диплом иегері атанды.

Еркін өз дарынымен әлемдік сахналарда көрермендер мен БАҚ өкілдерінің ыстық ықыласына бөленіп, еліміздің мәдени мұрасын таныта алатын лайықты тұлға екенін дәлелдеді.

Қорымыз алдағы уақытта Еркінмен бірлескен жобалар мен гастрольдік турларды жоспарлап отыр, бұл туралы жақын арада хабарлаймыз.

Шын жүректен құттықтай отырып, шығармашылық табыс пен жеке өміріңізде бақыт тілейміз!

Құрметпен,
Қор Президенті,
Импресарио,
Эльбрус Имамбаев