Өтетін орны: А.Селезнёв атындағы Алматы хореография училищесі, Шара Жиенқұлова атындағы оқу театры
Мекенжайы: Масанчи көшесі, 67
Қашан:
▪️ 26 маусым, 16:00
▪️ 27 маусым, 10:00
Динна Бьёрн — балет педагогикасының әлемдік жұлдызы, хореограф. Ол Париж операсында, Ваганов академиясында, Лондон, Хельсинки, Осло мен Токио труппаларында жұмыс істеген. Оның есімі Бурнонвиль стилінің нәзіктігін, көркемдігін және заманауи рухын сақтаумен тығыз байланысты. Бұл стиль — классикалық балеттегі ең талғампаз бағыттардың бірі.
Педагогтарды, әртістерді, шығармашылық ЖОО студенттерін, балет өнерінің жанкүйерлерін және классикалық сахнаның тереңдігі мен эстетикасына қызығатын барша жанды шақырамыз.
Казақстан мен Еуропа арасындағы мәдени көпірге айналған Nomad Ballet Project ұйымдастырушыларына алғысымызды білдіреміз.
Жоғары стильдегі бидің әлеміне қош келдіңіздер!
