Жуырда Алматының кеңселері мен көлік кептелістері арасындағы пейзаждар аясында жаңа мәдени орталық — Almaty Museum of Arts ашылды.

Ғимарат пен интерьер жоғары сапамен жасалған, Chapman Taylor атты британдық сәулет бюросы жобаны жасау кезінде қазақ далаларынан шабыт алған.

Музей қоры 700-ден астам туындыдан тұрады, олардың 70%-ы — қазақстандық суретшілердің жұмыстары. Көптеген туындылар — Нұрлан Смағұлов мырзаның 30 жылдан астам уақыт бойы жинаған жеке коллекциясынан.

Яёи Кусама, Билл Виола, Ричард Серра, Жауме Пленса сынды әлемдік шеберлердің түпнұсқа еңбектерінің Алматыда сақталуы — үлкен жетістік.

Музейде негізгі экспозициялық залдардан бөлек, реставрация шеберханасы, креативті кеңістік, сондай-ақ екі уақытша көрме залы бар. Жергілікті авторлар залының алғашқы көрмесі — Алмагүл Менлібаеваның тамаша туындылары. Екінші залда Азия мен Еуропаның музейлерімен серіктестік негізінде әлемдік өнердің басты премьералары өтеді.

P.S. «Қазіргі заманғы өнердің алғашқы және жалғыз музейі» деген атаумен толық келіспейміз, өйткені көптеген картиналар мен инсталляциялар қазіргі заманғы өнерге жатпайды. Мысалы, С. Мәмбеев, Ж. Шәрденов, А. Ғалымбаева сынды қазақ кескіндеме классиктерінің туындылары — бұған мысал.

Қалған жағынан біздің командамызға бәрі ұнады. Тек мәдени байлық қана емес, экспозициялық кеңістіктің дұрыс жоспарлануын ерекше атап өткіміз келеді. Қазақстан мәдениетіне қосқан зор үлесі мен таланттарға қолдау білдіргені үшін Нұрлан Еркебұланұлына алғысымызды білдіреміз.

Құрметпен,
Мәдени Мұра Қорының елшісі, өнер қайраткері
Абылай Рахимов