2025 жылғы 6–8 мамыр аралығында Академия оқушылары Торғын Лебен мен Әли Құсайынов Венгрия би университетінің 75 жылдығына арналған Будапешт би фестиваліне қатысты.
Будапешт ұлттық би театры сахнасындағы олардың өнер көрсетулерінен естелік сәттермен бөлісеміз.
Бағдарламада – Ференц Листтің «Махаббат армандары» музыкалық шығармасына қойылған концерттік нөмір (хореографиясы – Булат Аюханов), сондай-ақ Петр Чайковскийдің «Ұйқыдағы ару» балетінен па-де-де (хореографиясы – Мариус Петипа).
Жас дарындарды Академия жанындағы кәсіптік білім беру мектебінің директоры Светлана Кокшинова мен педагог Антон Луковкин дайындады.
Мәдени мұра қоры атынан «жарқырап келе жатқан жұлдыздарымызды» шын жүректен құттықтап, оларға жеңіл қадам мен шығармашылық табыс тілейміз!
Құрметпен,
Импресарио,
Эльбрус Имамбаев
«Cultural Legacy Fund» қорының президенті.
