Қазақстандық опера әншісі Мария Мудряк Қытайда В.Моцарттың «Фигароның үйленуі» операсындағы графиня Альмавива партиясын алғаш рет орындайды.

Қойылымдар 15,17 және 19 шілде күндері Бейжіңдегі Ұлттық орындаушылық өнер орталығында өтеді. Ал 8–10 тамыз аралығында әнші Сиань қаласындағы Grand Opera House сахнасында өнер көрсетеді.

Мария Мудряк 10 жасынан бастап Италияда вокалдан дәріс алған. Сол жерде Ла Скала театрының балалар хорында шығармашылық жолын бастап, кейін Миландағы Дж.Верди атындағы консерваторияны тәмамдады. Қазір ол әлемнің жетекші опера сахналарында өнер көрсетіп жүр және әлемдегі ең үздік он сопраноның бірі саналады.

Әншінің Қытайға сапары – оның халықаралық мансабындағы тағы бір маңызды қадам. Бұл гастрольдік сапарда қытайлық көрермен өнерпаздың қайталанбас зор дауысы мен актерлік шеберлігін тамашалай алады.

Оған жарқын қойылымдар тілеймін.

Құрметпен,
Мәдени мұра қорының президенті,
Импресарио
Эльбрус Имамбаев