Бүгін, 20 мамыр күні Ақтау қаласындағы Н. Жантөрин атындағы Маңғыстау облыстық музыкалық драма театрында ұлт руханиятының алыбы – Әбіш Кекілбайұлының шығармашылығына арналған «Әбіш оқулары» республикалық ғылыми-шығармашылық конкурсының ашылу салтанаты өтті.

Салтанатты шарада Маңғыстау облысы әкімінің орынбасары А. Өрісбаев құттықтау сөз сөйлеп, ел үмітін арқалаған жас дарындарға сәттілік тіледі.

Биылғы конкурсқа еліміздің 20 аймағынан 158 оқушы қатысуда. Қатысушылар екі күн бойы Әбіш Кекілбайұлының бай рухани мұрасымен танысып, түрлі шығармашылық және ғылыми байқауларда бақ сынайды.