2025 жылғы 30 наурыз бен 4 сәуір аралығында Алматы қаласында IX халықаралық «Өрлеу» хореографиялық оқу орындары байқауы өтеді.

Бұл байқау 2008 жылдан бері тұрақты ұйымдастырылып келеді. Іс-шара халықаралық шығармашылық ынтымақтастықты дамыту мен нығайтуға, хореографиялық оқу орындары арасындағы тәжірибе алмасуға, жас таланттарды анықтауға, орындаушылық шеберлікті арттыруға, сондай-ақ классикалық, ұлттық және заманауи би өнерінің үздік дәстүрлерін дамытуға бағытталған.

Байқау үш номинация бойынша өтеді. Атап айтсақ, «Классикалық би», «Халық биі», «Заманауи хореография» бойынша жеңімпаздар анықталады.

Биылғы байқауға 8 елден 134 қатысушы келеді. Оның ішінде Ресей, Оңтүстік Корея, Түркия, Қырғызстан, Әзербайжан, Моңғолия, Өзбекстан және Қазақстан бар.

Байқау Алматы қаласының үш алаңында өтеді. Атап айтсақ, Алматы хореография училищесінің оқу театры, «Almaty Theatre» сахнасы және қорытынды гала-концертте жеңімпаздар Абай атындағы Қазақ ұлттық опера және балет театрының сахнасында өнер көрсетеді.

Іс-шараны ҚР Мәдениет және ақпарат министрлігінің қолдауымен Александр Селезнев атындағы Алматы хореография училищесі ұйымдастырады.

Байланыс:
Байланыс менеджері, байқау координаторы: Санжар Касимбаев (+7 778 324 83 79)
Баспасөз хатшысы: Эльмира Мұқтар (+7 778 312 35 43)

ҚР Мәдениет және ақпарат министрлігінің баспасөз қызметі