Бүгін Қазақстан Республикасы Парламенті Сенатының Төрағасы Мәулен Әшімбаевтың қабылдауында болдым. Қазақстандағы анимация саласының дамуы туралы пікір алмастық. Мәулен Сағатханұлы – шығармашылық тұлға. Ол отандық танымал «Шал» фильмін жасауға тікелей қатысқан.

Мен анимация саласындағы мәселелер мен алдағы жоспарлар туралы айтып бердім. «Qazaqstan» ұлттық арнасының табысты жобасы – «Шоқан. Кашғарияға жол» туралы сөз қозғадық. Әсіресе, Сұлтан Бейбарыс туралы жаңа мультфильм жобасының идеясы оған ерекше ұнады. Мәулен Сағатханұлы 2023 жылы Қазақстан Республикасы атынан Мысырда Сұлтан Бейбарыстың 800 жылдығына арналған іс-шараларға қатысып, елдің ең құрметті билеушілерінің бірі атындағы мешіттің қалпына келтірілгеннен кейінгі ашылу салтанатына қатысқан болатын.

Қоғам қайраткері
Ғалым Байтук