Sanremo Junior Kazakhstan екінші ұлттық байқауы 20-22 ақпанда Ақтөбе қаласында өтеді.

Өнер додасында топ жарған өнерпаздар 26 наурызда Италияның Санремо қаласында өтетін әйгілі SANREMO JUNIOR XVI Халықаралық балалар байқауына жолдама алады. Оған 26 елдің 6-15 жастағы дарындары қатысады.

Ұлттық іріктеу Астанадағы Өнер академиясының қолдауымен өтеді. Ол - Италияда байқауды өткізетін «KISMET» компаниясының Қазақстандағы ресми өкілі.

Сонымен қатар байқау Италияның Қазақстандағы Елшілігі мен Ақтөбе қаласы әкімдігінің қолдауымен ұйымдастырылып отыр.

Ұлттық байқауда Қазақстанның барлық өңірінен 55 қатысушы бақ сынайды.

22 ақпанда өтетін Гала-финалда «Sanremo Junior Kazakhstan» бірінші ұлттық байқауының Гран-При лауреаты және Италиядағы дүниежүзілік «Sanremo Junior» байқауының екінші орын иегері, қарағандылық 12 жасар әнші Мағжан Мыңбаев өнер көрсетеді.

Байқаудың көркемдік жетекшісі - Батыржан Смаков жобаның Қазақстан үшін имидждік мәні зор екенін айтады. Ұлттық іріктеуге қатысу және Италиядағы байқауға жолдама алу — Қазақстанның жас дарындарына әлемге әйгілі АРИСТОН театрында өз өнерін паш етуге мүмкіндік береді. Бұл - жастарды жаңа шығармашылық белестерге жетелеу үшін маңызды қадам.