Қазақстанның жетекші балет труппасы – «Астана Опера» 18–30 қазан аралығында француздың тамаша балеринасы Шанталь Лефеврмен алғашқы оқу кезеңінен өтті.

Шанталь Лефевр балерина ретінде жарқын мансап құрып, кейін Гамбург балет мектебінде классикалық би техникасының әртүрлі деңгейлерінен сабақ берді. Ол шамамен 10 жыл бойы Вена мемлекеттік опера және балет театрында балетмейстер әрі педагог болып жұмыс істеді. Шанталь Лефевр Шанхай балет труппасына шеберлік сабақтарын өткізуге үнемі шақырылады, сондай-ақ педагог ретінде Миландағы «Ла Скала» театрымен, Рейн балетімен (Дюссельдорф, Германия), Стамбұл университетінің ірі Мемлекеттік консерваториясымен және басқа да шетелдік ұжымдармен ынтымақтастықта болды.