Astana Ballet театрындағы маусымның грандиозды жабылуы — Карл Орфтың 130 жылдығына арналған «Carmina Burana» балетінің премьерасы

5 және 6 шілде күндері Astana Ballet сахнасында жарқын премьера өтті. Театр тарихында алғаш рет біртұтас көркемдік кеңістікте балет труппасы, симфониялық оркестр және хор өнер көрсетті.
Мистикалық, қуатты, философиялық қойылым — режиссерлер Мукарам Авахри мен Тимур Загидуллиннің тағдыр, құмарлық пен азғыру, махаббат пен рухани қайта туу туралы ой-толғауы.
Және де — жақсылықтың жамандықты жеңетіні туралы үміт.

Балеттің жүрегінде — екі жан: бозбала мен бойжеткен, олар өмірдің сынақтары мен азғыруларынан өтіп, махаббаттың ең жоғарғы формасын тануға ұмтылады. Барлық әрекет тағдыр символы — Фортуна дөңгелегінің үздіксіз айналуы аясында өрбиді.

Театр труппасы тағы да кәсіби шеберлігін паш етті — таңғажайып еңбегі үшін ұжымға және оның көркемдік жетекшісі Нұрлан Қанетовке алғыс білдіреміз.
Маэстро Арман Уразғалиев басқарған оркестр ерекше жарқырады, ал Гүлмира Куттыбадамова жетекшілік еткен аралас хор қойылымға тереңдік пен салтанат қосты.
Браво вокалистерге: Азамат Желтырғұзов, Талғат Аллабиринов және көркем дауыс иесі Фируза Рахметоваға!

Бұл — театрдың жаңа директоры Таир Қаратаевтың тұңғыш премьерасы. Алда бұдан да жарқын премьералар көп болсын!
Егер сіз де бұл кеште болған болсаңыз — әсерлеріңізбен бөлісіңіз 
Мен бұл оқиғаға арналған репортажды Abai TV арнасы үшін түсірдім — толық нұсқасы пікірдегі сілтемеде.

Astana Ballet театры
Зарина Мұхамедәлі