Қазақстан Республикасы Мәдениет және ақпарат министрлігі Мәдениет комитеті төрағасының бұйрығымен «Қазақстан Республикасының Ұлттық орталық музейі» РМҚК директоры лауазымына Саров Сержан Бараханұлы тағайындалды.

🔹Сержан Бараханұлы Саровтың мәдениет және музей ісі саласында көпжылдық еңбек тәжірибесі бар.

▫️2006 жылы әл-Фараби атындағы Қазақ ұлттық университетін «Тарих, құқық және экономика негіздері» мамандығы бойынша тәмамдаған. 2020 жылы Абай атындағы Қазақ ұлттық педагогикалық университетінде педагогика ғылымдарының магистрі дәрежесін алған.

▫️Еңбек жолын «Алматы қаласы тарихы музейі» МКҚК-да кіші ғылыми қызметкер болып бастаған.

▫️Тарихи-мәдени мұра бөлімінің жетекшісінен «Алматы қаласы музейлер бірлестігі» КМҚК директоры лауазымына дейінгі кәсіби жолдан өтті.

▫️Сондай-ақ «Алматы әуендері» КМҚК директорының кеңесшісі қызметін атқарды.

▫️2023 жылғы ақпаннан 2025 жылғы наурызға дейін – «Қазақстан Республикасының Орталық мемлекеттік музейі» РМҚК директорының жалпы мәселелер жөніндегі орынбасары.

▫️2025 жылғы наурыздан бастап қазіргі уақытқа дейін – «Қазақстан Республикасының Ұлттық орталық музейі» РМҚК директорының міндетін атқарушы.

▫️Кәсіби қызметі барысында Қазақстан Республикасының мәдени саясаты мен музей ісін дамытуға елеулі үлес қосты.

▫️«Ерен еңбегі үшін» медалімен марапатталған.

▫️ҚР Мәдениет және ақпарат министрлігі Мәдениет комитетінің басшылығы жаңадан тағайындалған директордың алдына музей инфрақұрылымын одан әрі дамыту, халықаралық көрме жобаларын жүзеге асыру және мәдени ынтымақтастықты нығайту жөнінде бірқатар міндеттер қойды.