Үлкен театрдың Тарихи сахнасында КСРО халық артисі, аңызға айналған хореограф Юрий Николаевич Григоровичпен қоштасу рәсімі өтті. Ол 19 мамыр, дүйсенбі күні, 99 жасқа қараған шағында өмірден озды.

Хореографтың табытының жанында оның көптеген медальдары мен ордендері қойылды. Юрий Николаевичпен қоштасуға жүздеген достары, әріптестері мен өнеріне бас иетін жандар келді.

Балет қауымдастығы Ұлы Ұстазды мәңгі жадыда сақтап, оның баға жетпес мұрасын қастерлеп, сақтап қалмақ.

Юрий Григорович Новодевичье зиратында жары — КСРО халық артисі Наталия Бессмертнова жатқан жерге жерленеді.

Юрий Николаевичтің рухына арнап бүгін Үлкен театрда оның Симон Вирсаладзенің сахналық безендіруімен қойған үздік туындыларының бірі — «Махаббат туралы аңыз» балеті көрсетіледі.

Сурет авторы: Дамир Юсупов
Ақпарат көзі: Үлкен театр