«Астана Опера» театры жаңа жылдық демалыс кезінде Т.Кочактың «Ақшақар мен жеті ергежейлі» балетін ұсынады. Бұл – балаларыңызбен бірге жақсы уақыт өткізуге тамаша мүмкіндік.

Ағайынды Гриммдердің «Ақшақар мен жеті ергежейлі» ертегісін барлық бала білетін болар. Ол жетім өскен ару ханшайым мен бәрінен де кім сұлу екенін айнадан жиі сұрайтын зұлым өгей шешесі туралы хикая. Құлпырып өсіп келе жатқан Ақшақарға деген қызғаныш оты патшайымды зұлымдыққа итермелейді – ол қызметшісіне қызды орманда өлтіруге бұйрық береді, алайда ханшайым ергежейлілер үйінде жасырынып қалады. Ақшақарды өгей шешесінің қудалауынан кім және қалай құтқарғанын кішкентай көрермендер (әлбетте, ересектер де) ізгілік пен зұлымдық, сенгіштік және шынайы махаббат жайлы ертегі-балеттен біледі.

Билеттер сатылымда!

7,10,11 қаңтар
Үлкен зал